|
關於帳幕方面，大致上分為兩大類。
其實而家香港有好多款帳幕，
但係因為用既人數唔係太多，
所以無乜人會提，
我地將呢Ｄ少人用既帳幕叫做小類。
第一類係屋型帳幕：
呢一類帳幕最大特點係帳幕空間大，
一個長方型既帳幕底部，
加上一個呈三角柱體既帳幕頂部。
有一個好大空間俾人放野，
又有一定高度既屋型帳幕，
會令到有大量既風吹入帳幕裏，
較為涼快，在夏季時，不會太熱。
所以好多人在夏天時都會選用屋型帳幕。
但屋型帳幕有一個好大既缺點，
就係如果要撘營，就會好唔方便，
一個人會較難撘起一個屋型帳幕，
同埋屋型帳幕要用到較多營繩同營釘，
所以要搬營時就好唔方便，
又容易會拌到經過既人，
但而家已經開始少人會用屋型帳幕，
因為好多人都以方便，輕便為主，
所以屋型帳幕開始較難見到人用。
第二類係蒙古型帳幕：
呢一類帳幕最大既特點係夠哂方便，
成個帳幕靠兩條纖維棍做支橕，
而且只需用四口營釘把帳幕固定，
不需營繩，如果想搬營既話，
只係需要拔起四口營釘，
又唔駛拆兩枝纖維棍，
可以成個營搬起，
而且十分輕，
所以而家較多人會選用蒙古型帳幕；
但係蒙古型帳幕有一個缺點，
就係會比較焗，
因為蒙古型帳幕既門口係比較細，
風就唔能夠容易吹到入營裏面，
所以夏天時，坐係個營裏面，
係可以坐到成身都係汗，
亦都係點解而家仲有人用屋型帳幕；
但係如果係冬天既話，
就比較好，因為夠哂暖，
只要將營口拉好拉鏈，
簡直就係無風入到個營裏面，
岩哂鐘意係冬天去露營既露營人仕。
而第三類係小數人會用既帳幕，
因為呢一類帳幕普遍黎講，
都係適合一些露營發燒友，
因為佢地成日都會去露營，
甚至會係一人一營，
如果帶一個屋型帳幕或蒙古型帳幕，
就會比較小材大用，
所以有一些單人營的出現；
又有一些人在夏天裏，
每個星期也會去露營，
他們會買一個整個帳幕也是由蚊帳造成的，
這種帳幕會是十分透風，
所以會是十分涼爽；
而有些人比較喜愛在冬天去露營，
他們會買一種名叫『雪地逄車營』的帳幕，
這種帳幕的高度大約只有七十厘米，
門口十分細，
外型是半個圓柱體，
看上去，好似係一個軍營的縮細版，
所以保暖方面是十分良好。
因為這幾種帳幕都是比較特別，
又唔係太多人會用，
所以呢種帳幕既缺點係比較昂貴。
P.S.：呢篇文章只係本人既個人感想，
因為本人對帳幕方面都有些微的知識，
而且多謝網主俾我呢個機會去打呢篇感想，
我利用我對帳幕的謹餘知識，
如有任何錯誤的地方，
請見諒！
有人問我，你點解會愛上去露營呀？
點解你咁鐘意去露營？
咁露營又有乜野咁吸引你既地方呀？
其實我點解會愛上露營？？？
咁不如我講講點解我會接觸露營啦！
其實都好機玄巧合，
因為我亞爸係好鐘意去露營既人，
但係我一出世之後佢就無再去，
咁到我六歲時，
有一次我亞爸同佢Ｄ朋友去露營，
咁我又已經六歲啦，佢咪試下帶我去玩下囉，
果陣時，咁細個，乜都可以玩一餐，
覺得都幾得意喎，咪第二次又去囉，
就自從第一次去過露營之後，
就梗係想去多幾次，就係咁，
慢慢就對露營產生左一種感情，
玩玩下咪開始愛上左露營呢種而家比較少人玩既玩意。
而因為我細細個既時侯係住山邊，
不嬲都好鐘意大自然既我，係搬左出黎市區之後，
就好小機會可以再接觸得到大自然，
係露營，就係露營呢樣野，
令到我可以接觸到大自然，
仲有一個原因，
我同我亞爸不嬲都係好小傾計，
我又好怕我亞爸，
所以好小會傾到書本以外既事，
兩個人之間係有隔膜，
但係去左露營之後，
我每次都同我亞爸傾好多關於露營既野，
兩父子既關係就因為露營而有所改變，
呢種改變就梗係良好架啦。
而我亦都變得無咁怕羞，因為去露營時，
識左好多我亞爸既朋友，佢地好好人，
陪我呢個當時得六歲既細路仔玩，
陪我傾計，教我好多關於露營既野，
咁我個人就由以前極度自我封閉，
變到而家既極度好動，又玩得放Ｄ，
對於我識人方面有著好大幫助。
而露營有乜野咁吸引我？
令到我咁沉迷落去？
當一個成日都要為口奔馳既人，
佢面對既壓力係無限咁大既時侯，
佢一去到一個超寧靜既大自然，
吸一口大自然既清新空氣，
成個人都會放鬆哂，
將所有煩惱既野都放低哂，
大玩特玩一輪之後，
個人做起野上黎都會特別上力。
而我都好似咁，成日都要讀書，
做功課，測驗，考試，
可想而之壓力係幾大？
但係我去完露營之後，
成個人都放鬆哂，就好似叉完電咁，
讀起書都特別醒神，咁出黎既成績都相當唔錯。
而我就好鐘意去露營時，一大班人一齊玩，
傾下計，潛下水，潛下Ｄ海鮮食，睇下靚絕既珊瑚，都好好玩，
有得玩，又有得食，又可以成班人一齊聚下，
真係一舉幾廿得！
對自己身心又有益，可以咁親近大自然，
又唔係好貴，邊度搵到呀？
最好，最正，最難得既係，
露營可以令一個人忘記自己既壓力，
過一個自由自在，無人管束，
想做乜野就做乜野既生活，
真係邊度搵到咁正既生活模式？
而且露營唔係講一個人就可以做哂所有野，
係講一種叫Team-work既模式，
而家既香港，Team-work係好少見到，
Team-work係人類最開頭，
最基本，最原始既生活模式，
而露營係可以令到我過到Ｄ咁既生活，
體會得到以前既人係點樣生活，
可以話係玩原始式既生活。
而露營係玩既同時，又學到好多野，
最名顯既係學到點樣獨立，
唔駛成日都要依靠父母照顧，
對將來自己既生活，
出黎做野都有一定既幫助。
一個人如果見到一個好靚既風境，
心情都會特別好，而我都唔例外，
每次露營既地方，都係近海，
所吸既空氣，係城市裏面吸唔到；
所見到既風境，係市區裏係好難搵到，
點解咁多人要用幾百萬去買西貢一Ｄ近海既樓？
因為西貢既水質係好靚，
空氣清新，風境係寧靜中充滿生機。
而我地只係需要俾幾百蚊去買一個營，
再俾多一，二百蚊去買野食，
就可以享用到其他人用幾百萬買返黎既大自然風境。
我都係因為呢樣野，而令我咁鐘意去露營。
P.S.：好多謝HKGNU俾呢個機會我去發表我既感想
呢一篇文章只係本人既個人感想
內容可能唔係人人岩睇
如果俾我呢篇文章悶親
請勿見怪，敬請原諒！！
|
